ڈاکٹر ناصر عباس نیّر کا شمار ہمارے عہد کے معتبر ناقدین اور افسانہ نگاروں میں ہوتا ہے۔ وہ ایک طویل عرصہ اورینٹل کالج پنجاب یونیورسٹی لاہور میں اردو کی تدریس پر مومور رہے۔ انھوں نے ڈائریکٹرجنرل اردو سائنس بورڈ کی حیثیت سے بھی گراں قدر خدمات انجام دیں۔ آج کل پاکستان کے معتبر تحقیقی و تدریسی ادارے لمز لاہور سے وابستہ ہیں اور موقر تحقیقی جریدے "بنیاد" کے مدیر ہیں۔ ڈاکٹر ناصر عباس نیّر نے جرنل آف ریسرچ(اردو) کے شمارہ نمبر 40 کی جلد1 کے لیے یہ نہایت دلچسپ اور اہم موضوع پر مہمان اداریہ تحریر کیا جو جرنل آف ریسرچ(اردو) کے لیے اعزاز کی بات ہے۔ مجلسِ ادارت اس عطا پر اُن کی شکرگزار ہے۔